Geburtstagsgrüße an einen 70iger

Mit 50ig hoast gsoagt, dös feiern wird goar,

mit 60ig hoama erleabt, es is jo nit woahr.

Und jetzt mit 70ig is wieda so weit,

dass die dös feiern do nu recht g`freit.

Und woann ma va auss`n dös so betroacht,

hoast oi 10 Joahr dir a onderes Bild g`mocht.

Do kunnt ma jo herstölln an guat`n Vagleich,

nämlich bei der Politik schaun in Österreich.

Es wird vü plant und nu mehr vasproch`n,

und oille poar Joahr dös g`soagte wieda brochn.

Jo liewa Freind, nimm` nit goanz ernst unsa Wort,

dö Gedoank`n san in a poar Joahr e wieda furt.

Doann kemmama frisch zu dein 80iger zoam

und erzähln uns woas ma dö lezt`n 10 Joahr erlebt hoam.

Geah`n wird`s um d`Enkerl, um G`sundheit und ums stearm

und wia ma am best`n keannan unsa Zeigl vaerbn.

Jo, lieaba Freind, dös wa jetzt in Kürze dir g`soagt,

jetzt uns schö loangsoam Durst und Hunga ploagt.

Ois guate wünsch`ma dir und nu viele Joahr

und bleibst eas zwoa nu recht loang a liabs Poar.

Und tuats a aufs bussln nit goanz vageassn.

dazu scheng ma dir heit an Honig an süassn.

Vergehen die Jahre dir zu schnell,

da weiß ich Trost, vergiss für einen Moment die Welt und Prost.

Das Geheimnis des Glücks ist,

statt der Geburtstage die Höhepunkte des Lebens zu zählen.

Du wirst nicht älter, du steigst im Wert.

Alt ist man erst, wenn der Bürgermeister zum Geburtstag gratuliert.